՛՛Կոտայք Կրթություն Մշակույթ՛՛ֆեյսբուքյան էջից տեղեկանում ենք, որ Կոտայքի մարզպետարանի ենթակայության դպրոցներում բարեգործություն կատարելու ցանկություն հայտնողների թիվն ավելանում է: Միայն սեպտեմբեր ամսին վերաբացվեց Առինջի միջնակարգ դպրոցը` հիմնանորոգված Գագիկ Ծառուկյանի հովանավորությամբ, ամերիկաբնակ Վոլգա Այվազյանի և իր ընկերների միջոցներով վերանորոգվեց Հրազդանի թիվ 9 հիմնական դպրոցի հանդիսությունների դահլիճը, ԱԺ պատգամավոր Անդրանիկ Հարությունյանը լաբորատոր սարքավորումներ նվիրեց Գեղադիրի և Բալահովիտի միջնակարգ դպրոցներին, առաջին դասարանցիներին պայուսակներ և գրենական պիտույքներ նվիրեցին Կոտայքի մարզը ներկայացնող ԱԺ պատգամավորները, բոլոր համայնքապետերը, մարզի գործարարները և բարություն կատարելու ցանկություն ունեցողները:
՛՛Կոտայք Կրթություն Մշակույթ՛՛ֆեյսբուքյան էջը հաղորդում է, որ ամերիկաբնակ բարերարների մի խումբ ցանկություն է հայտնել Կոտայքի մարզի դպրոցներից մեկում վերանորոգման աշխատանքներ իրականացնել:
