Անչափահասի հետ ամուսնանալու և սեռական հարաբերություն ունենալու հերթական գործը վարույթ է ընդունվել Արագածոտնի մարզի ընդհանուր իրավասության դատարանում:
Ըստ մեղադրանքի՝ 23-ամյա Էդիկ Մահմուդյանին փաստական ամուսնական հարաբերության մեջ մտնելով Արմավիրի մարզի Բամբակաշատ գյուղի բնակչուհի, 16 տարին չլրացած անչափահաս, 18.05.1997 թ. ծնված Գ. Խուդոյանի հետ, փոխադարձ համաձայնությամբ Շամիրամ գյուղում գտնվող իր տանը սեռական հարաբերություն է ունեցել վերջինիս հետ, որի արդյունքում նա հղիացել է: Անչափահաս կնոջ մոտ 15.06.2013թ.-ին հայտնաբերվել է 23-24 շաբաթական հղիություն:
