Քրիստինե Պեպելյան «Չէ-չէ-չէ»: Բոլորդ էլ երևի հիշում եք այս երգը, իսկ եթե չեք հիշում ևս մեկ անգամ լսեք և ուշադրություն դարձրեք այս նախադասությանը. «Այնքան երկար, անքուն գիշերներ, արցունքն աչքիս մենակ ես թողել, ՀԻՄԱ ԵԿԵԼ ԻՆՉ ԵՍ ՄԵՂԱՆՉՈՒՄ, վերջ քեզ տեսնել չեմ ուզում»: Մեղանչել նշանակում է մեղք գործել, իսկ երգը լրիվ այլ իմաստ ունի, պետք է լիներ մեղա գալ, այսինքն` եկել ես ու զղջում ես, բայց քեզ տեսնել չեմ ուզում: Այս երգում մեղանչել բառը 2 անգամ կրկնվում է:
Քրիստինե Պեպելյան և Հայկո «Ուշացած խոսքեր»: Այս երգում եզակի և հոգնակի թվերի անհամաձայնեցում կա, այսինքն` «Քեզ եմ ես սիրում ուշացած խոսքեր», ոչ թե քեզ եմ սիրում, այլ ՁԵԶ եմ ես սիրում ուշացած խոսքեր, չէ՞ որ խոսքերը դրված են հոգնակի թվով:
Սյուզի Մելիքյան «Սպասիր ինձ»: Կարծում եմ այստեղ ամեն ինչ պարզ է, տարբերությունն էլ ակնհայտ որտև և որովհետև: Սյուզի մելիքյանը մի անգամ իր հարցազրույցներից մեկում ասել է, որ, երբ իրեն են տվել խոսքերը, նա նորմալ չի էլ կարդացել, ես չեմ հասկանում, ինչպես կարելի է երգի խոսքերը չկարդալ, բացատրեք ինձ խնդրում եմ, եթե ինչ որ մեկը հասկանում է:
Ռազմիկ Ամյան «Սրտիկ»: Առանց մեկնաբանության...
Օ աղջիկ ինձ մի ՆԵՂԻ
ՈՒ անտեղի ինձ մի շեղի:
Ինձ ամեն ինչն է հուզում
Միայն մի բան ինձ չի ԴԶՈՒՄ:
Ու պատասխան քո խոսքերի պիտի գրեմ քեզ ՍՄՍ:
