ՆԱՏՕ-ի գլխավոր քարտուղար Յենս Սթոլթենբերգը անհանգստություն է հայտնել Ռուսաստանի հաճախակի դարձած զորավարժությունների հետ կապված և Մոսկվային կոչ արել առավելագույնս թափանցիկ լինել դրանք իրականացնելիս: Այս մասին գրում է BBC-ն:
«Ռուսաստանի հանկարծակի զորավարժությունները նվազեցնում են մեր սահմանների երկայնքով թափանցիկությունն ու կանխատեսելիությունը: Ռուսական կողմը պետք է առավելագույնս բաց լինի իր ռազմական ակտիվության հարցում ցանկացած թյուրիմացությունից խուսափելու համար», - ասել է Սթոլթենբերգը Բրյուսելում Ռուսաստանի ԱԳՆ ղեկավար Սերգեյ Լավրովի հետ հանդիպման ժամանակ:
«ՆԱՏՕ-ի համար կարևոր է անել հնարավոր ամեն բան, որպեսզի մեր սահմանների մոտ միջադեպերը վերահսկողությունից դուրս չգան», - հավելել է նա: