Makaleler

     Ծաղկաձորում շարունակվում է շախմատի աշխարհի թիմային առաջնությունը: Վեցերորդ տուրում մեր ընտրանին ոչ-ոքի՝ 2-2 խաղաց Հունգարիայի հավաքականի հետ: Լևոն Արոնյանը սպիտակներով հաղթեց Վիկտոր Էրդոսին, Գաբրիել Սարգսյանն ու Վլադիմիր Հակոբյանը իրենց միավորը կիսեցին համապատասխանաբար Զոլտան Ալմասի և Ռիչարդ Ռապորտի հետ: Ցավոք սևերով հանդես եկող Հրանտ Մելքումյանը պարտիայի ընթացքում ստացած դիրքային առավելությունը չկարողացավ մինչև վերջ պահպանել և պարտվեց:
     Այս տուրից հետո Հայաստանի հավաքականը 5-6-րդ տեղերն է կիսում Ռուսաստանի ընտրանու հետ: