Երևանի քաղաքապետ Տարոն Մարգարյանի աջակցությամբ «Տիգրան Մեծ» Բարեգործական Հիմնադրամի պատրաստած, Ցեղասպանության 100-րդ տարելիցը խորհրդանշող 100 մետրանոց Եռագույն դրոշը, որը շրջել է աշխարհի տարբեր քաղաքներով, ծածանվեց նաև Երևանի Ավան վարչական շրջանում:
Ապրիլի 17-ի կեսօրին Ավանում «Տիգրան Մեծ» Բարեգործական Հիմնադրամի նախագահ Սրապիոն Գևորգյանին դիմավորեցին 100-ից ավելի բնակիչներ: Պարոն Գևորգյանը հանդիպեց Ավան վարչական շրջանի ղեկավարության հետ, որից հետո` մեկնարկեց ֆլեշմոբ-ակցիան:
Ակցիայի մասնակիցները պարզեցին 100 մետրանոց Եռագույնը: 100 երիտասարդներ հարգելով Մեծ Եղեռնի անմեղ զոհերի հիշատակը` 100 վայրկյան լռությամբ ծածանեցին դրոշը, որից հետո երթով շարժվեցին դեպի Ավանի Սբ. Աստվածածին եկեղեցի:
