Ինչպես արդեն գիտենք ապրիլի 8-ին Հայաստան ժամանեց ամերիկահայ հեռուստաաստղ Քիմ Քարդաշյանը: Նրա հետ նաև Հայաստան են ժամանել նրա քույրը՝ Քլոե Քարդաշյանը, նրա ամուսինը՝ Քանյե Ուեսթը և նրանց փոքրիկը՝ Նորթ Ուեսթը: Քիմի Հայաստան գալը ուրախացրեց շատերին, բայց քիչ չէին նաև այն մարդիկ ովքեր նախանձից ՙպայթեցին՚ և շարունակում են ՙպայթել՚: Ինձ համար շատ անհասկանալի է թե ինչ՞ու են որոշ մարդիկ այդքան զայրացել, որ Քիմը եկել է Հայաստան և արդեն չորս օր է վարկաբեկող մեկնաբանություններ են գրում ամենուրեք: Երևի պատճառն այն է, որ նրանք չեն գիտակցում թե Քիմի Հայաստան գալը որքան օգտակար է մեզ համար: Ընդանենը չորս օրում Քիմը կարողացավ այնպես անել, որ Հայաստանի և հայոց ցեղասպանության մասին խոսեն աշխարհի ամենահայտնի թերթերն ու ամսագրերը: Մենք պարզապես պետք է շնորհակալ լինենք Քիմին այդ ամենի համար:
