Makaleler

Յուղոտ մազերին ճիշտ խնամք ապահովելու համար նախ պետք է ճշտել ճարպագեղձերի ակտիվ աշխատանքի պատճառները: 14-15 տարեկան հասակում հիմնական պատճառը կարող է լինել էնդոկրին և նյարդային համակարգերի աշխատանքի խափանումը: Դա կարող է շարունակվել մինչև 25-30 տարեկանը:

Հաճախ էլ գլխամաշկի ճարպը սեբորիայի նշան է, որը համակցվում է դեմքի, կրծքի ու մեջքի ցանով: Ճարպագեղձերի աշխատանքի խաթարման պատճառ կարող են լինել նաև նյութափոխանակության խանգարումները, որոնք շատ դեպքում սթրեսների ու էկոլոգիական գործոնների հետևանք են:

Ի՞նչ անել՝ այդ հավերժ թվացող խնդրից մեկընդմիշտ ազատվելու կամ գոնե այն թեթևացնելու համար:
    
    
     Ամենօրյա խնամք
    
    
    

Առաջին հերթին անհրաժեշտ է մեծ ուշադրությամբ ընտրել մազերի խնամքի համար նախատեսված կոսմետիկ միջոցները: Պետք է ընտրել հատուկ շամպուն, որը կպարունակի ճարպագեղձերի աշխատանքը նվազեցնող նյութեր:

Ոչ մի դեպքում չի կարելի գլուխը լվանալ շատ տաք ջրով. դա միայն խթանում է ճարպագեղձերի ակտիվացումը:

Խորհուրդ է տրվում նաև չտարվել մուսերով, լաքերով ու գելերով. կեղտն ու փոշին հեշտությամբ խառնվում են այդ նյութերին՝ է´լ ավելի արագացնելով մազերի յուղոտման գործընթացը:

Ընդհանրապես յուղոտ մազեր ունեցողներին խորհուրդ է տրվում կարճ կտրվածքներ անել, քանի որ երկար մազերի դեպքում խնամքը մի քանի անգամ բարդանում է:

Կարելի է նաև քիմիական գանգրացում կատարել (завивка) . այն նվազեցնում է ճարպը:

Վիտամին В-ն և С-ն (երկաթ ու ծծումբ), վիտամինային կոմլեքսները, նույնպես օգտկար են յուղոտ մազերի դեպքում:

Խորհուրդ չի տրվում գլխի մերսումը, մանր ատամներով սանրով մազերը սանրելը:

Յուղոտ մազերը չպետք հաճախակի լվանալ, քանի որ դրանից մաշկի և մազերի պաշտպանիչ շերտը վնասվում է, և յուղայնությունը ոչ թե պակասում է, այլ ավելանում: Խորհուրդ չի տրվում նաև մազերին շատ ձեռք տալ:

Յուղոտ մազերը խնամելու համար անհրաժեշտ է ընտրել եղինջի, շալֆեի, ծովային ջրիմուռների լուծույթով, պրոտեիններով, A, C, K վիտամիններ պարունակող շամպուններ:

Խորհուրդ է տրվում ձվի դեղնուցով, գերչակի կամ կտավատի ձեթով դիմակներ:

Կան մի քանի արդյունավետ միջոցներ, որոնք հեշտությամբ կարող եք կիրառել տնային պայմաններում.

    
    
     Դիմանկներ և լոսյոններ գլխամաշկի համար
    
    
    
    
    
    

1. Որպեսզի մազերը շուտ չյուղոտվեն, գլխամաշկը սրբեք 50 մլ օղի, 10մլ 3- տոկոսանոց բորային սպիրտ, 1 թեյի գդալ լիմոնի հյութ պարունակող թուրմով: Պրոցեդուրան խորհուրդ է տրվում կատարել ամեն օր կամ մազերը կեղտոտվելու դեպքում:
2. Գլուխը լվանալուց առաջ կարելի է մազերին քսել սովորաական կեֆիր և 15-20 րոպե անց՝ լվանալ:
3. Յուղոտ մազերի համար լավագույն բույսը կալենդուլան է. բույսն օգտագործում են թուրմի տեսքով: Ծաղիկների թուրմը խառնեք օղու հետ (1: 10) և քսեք գլխամաշկին: Պրոցեդուրան անհրաժեշտ է կրկնել երկու օրը մեկ անգամ` մեկ ամիս շարունակ: Բուժումը կարելի է կրկնել մեկ ամիս անց:

Մի´ մոռացեք նաև սննդակարգի մասին. կերեք կաթնամթերք, ձու, թարմ բանջարեղեն, մրգեր, սահմանափակեք կամ ընդհանրապես ձեր կերակրացանկից հանեք կենդանական յուղի օգտագործումը` փոխարինելով այն բուսականով:

Խորհուրդ չի տրվում նաև պահածոների, աղի և կծու սննդի օգտագործումը: Պետք է սահմանափակել նաև սուրճը, քաղցրավենիքը, ալկոհոլը: Փոխարենը խորհուրդ է տրվում շատ զբոսնել, զբաղվել սպորտով: