Նորակերտի միջնակարգ դպրոցի քիմիայի ուսուցչուհի Ժ. Թադևոսյանը 7-րդ դասարանի աշակերտների հետ կազմակերպել էր բաց դաս «Խոսում են քիմիական տարրերը» թեմայով:
Դասարանը ձևավորված էր թեմային համապատասխան: Առաստաղից կախված էին քիմիական նշաններ, իսկ պատերը զարդարված էին աշակերտների կողմից պատրաստված պաստառներով:
Դասն սկսվեց հայտնի ասույթներով, այնուհետև աշակերտները ներկայացրեցին Դ. Ի. Մենդելեևի կյանքը, մեկնաբանեցին ինչո՞վ է նման Մենդելեևի քիմիական տարրերի աղյուսակը Զվարթնոց տաճարին, որից հետո աշակերտներից յուրաքանչյուրը մանրամասն ու հանգամանալից ներկայացրեց ոչ միայն տվյալ տարրի ստեղծման պատմությունը, այլ նաև բնորոշ հատկությունները:
Դասն ամփոփվեց գեղեցիկ երգով: Դասի ընթացքում երեխաները կատարեցին փորձ, արեցին մեկնաբանություններ նյութերի հիմնական հատկությունների և փոխարկումների մասին:
