«Ջանֆիդայի Է. Դաշտոյանի անվան միջնակարգ դպրոց» ՊՈԱԿ-ում հանդիսավորությամբ նշվեց Հայոց բանակի օրը: Հուվարի 28-ին առավոտյան ժամը 10-ին կազմակերպվեց տողան, բարձրացվեց ՀՀ դրոշը, հնչեց ՀՀ օրհներգը:
Դպրոցի բակն աշխուժացել էր ծափերով և ուրախ բացականչություններով:
Հնչում էր հոգեպարար երաժշտություն, երգ ու նվագ՝ նվիրված Հայոց բանակին, հայ զինվորին: Ձմեռային այդ օրը կախարդական զգայապաշտություն էր պարուրել ամենուրեք:
Դպրոցի «Պատանի երկրապահ» խմբակի և բարձր դասարանցիների մասնակցությամբ հնչեցին երգեր ու բանաստեղծություններ՝ նվիրված մեր երկրի խաղաղությունն ու անդորրը պաշտպանողներին, հայրենիքի պաշտպանության համար զոհված հերոսներին:
Հիշարժան այդ միջոցառման անցկացման գործում իրենց համեստ ներդրումն ունեցան դպրոցի զինղեկ Դավիթ Եղիազարյանը և ուսուցչուհի Ժենյա Սրեյանը:
Միջոցառման ավարտից հետո ուսուցիչներն ու սովորողներն այցելեցին
զոհված համագյուղացի ազատամարտիկների պանթեոն և Հայրենական
Մեծ պատերազմում զոհված համագյուղացիների հուշարձան-կոթող, ծա-
ղիկներ դրեցին՝ հարգանքի տուրք մատուցելով հերոսներին:
Միջոցառմանը հրավիրված էին Ջանֆիդայի համայնքապետ
Ռ. Եղիազարյանը, վետերան ազատամարտիկներ և ծնողներ:
