Մայիսի 10-ը ՀՀ Արմավիրի մարզի Ջանֆիդա համայնքում վերածվել էր իսկական տոնի:
Մայիսյան եռատոնին և Ջանֆիդայի Ս. Կարապետ եկեղեցու բացման 3-րդ տարեդարձին նվիրված հանդիսությունը մեկնարկեց Տեր Արիս քահանա Խաչատրյանը՝ իր հոգևոր խոսքով, շնորհավորանքով և Տերունական աղոթքով:
Հայրենական պատերազմի զոհերին նվիրված հուշարձանի մոտ տեղի ունեցավ համերգային ծրագիր՝ նվիրված հաղթանակներին և խաղաղությանը:
Աշակերտների խրոխտ, հայրենասիրական երգերը, գեղեցիկ պարերը, արտահայտիչ խոսքը եկավ ապացուցելու, որ մենք խելացի և հայրենասեր սերունդ ունենք, և ապագան հուսալի ձեռքերում է:
