Փարիզում, որը միշտ էլ փայլել է ճաշակի ազատությամբ, կընդունվեն դրեսս-կոդի վերաբերյալ կանոններ, որոնք խախտելու դեպքում տուգանքը, կամ որոշ դեպքերում ազատազրկումն, անխուսափելի կլինի:
Այսպես. օրինակ՝ Սենի ափերին արևային վաննա ընդունելը լրիվ թույլատրելի է, սակայն, կտրականապես արգելվում է լողազգեստ հագնելը քաղաքային այգիներում: Այն տիկնայք, ովքեր ամառային շոգ օրերին պատրատվում են զբոսնել քաղաքային այգիներում, պետք է հիշեն, որ իրենց թեթև և կարճ շրջազգեստը պետք է համընկնի բարոյական և հասարակական կարգուկանոնին: Եթե ոստիկանները համարեն, որ Ձեր հագուստը չի համապատասխանում այդ կանոններին, ապա նրանք կարող են տուգանել Ձեզ 38-4000 եվրո:
Հարկ է նշել, որ տուգանքը կլինի 4000 եվրո, եթե ոստիկանների մոտ առաջանան կասկածներ, որ հագուստը ոչ միայն հանգստի, այլ նաև հաճախորդներ հավաքելու միջոց է: Այսինքն՝ դա աղջկա համար ոչ թե հանգիստ է, այլ աշխատանք:
Եթե խախտվի այդ կանոններից մի քանիսը միաժամանակ, ապա այդ կնոջը սպասվում է ոչ ավել, ոչ պակաս երկու տարվա ազատազրկում:
Ոմանք կարծում են, որ այս նախաձեռնությունը տեղին էր, ոմանք էլ հեգնում են այն, թե ինչպե՞ս պիտի ոստիկանութունը զգեստի կարճությունը որոշի՝ աչքաչափո՞վ, թե քանոնո՞վ:
