«Նապոլիի» գլխավոր մարզիչ Ռաֆա Բենիտեսը բարձր է գնահատել թիմի կիսապաշտպան Մարեկ Համշիկին: 26-ամյա կիսապաշտպանը նեապոլյան ակումբի կազմում է հանդես գալիս 2007 թվականից ու վերջերս երկարաձգեց գործող պայմանագիրը մինչև 2018-ը:
- «Նապոլին» լավ աշխատեց տրանսֆերային պատուհանի ժամանակ: Կավանիի հեռանալուց հետո ես նախագահ դե Լաուրենտիսին հանձնեցի նրա հավանական փոխարինողների ցուցակը: Այդտեղ էր նաև Իգուայինը, ում էլ, ի վերջո, գնեցինք: Ասում եք' «Ռեալը» 100 մլն. եվրո՞ է վճարել Բեյլի համար: Այդ դեպքում' Մարեկ Համշիկն անգին է: Նույնիսկ եթե «Նապոլին» չեմպիոն չդառնա, մենք պետք է ապացուցենք, որ ոչ ոքից չենք վախենում, - Բենիտեսին մեջբերում է La Gazetta dello Sport-ը:
Ա Սերիայի մեկնարկային երկու տուրերից հետո նեապոլցիները նույնքան հաղթանակ են տոնել:
Եթե սիրում եք ֆուտբոլ՝ միացեք մեր ֆեյսբուքյան էջին
https://www.facebook.com/I7love7football?ref=hl