1998թ. մայիսին ԶՊՄԿ տնօրենի պաշտոնը ստանձնեց Մաքսիմ Անուշավանի Հակոբյանը, ով մինչ այդ նույն ձեռնարկության գլխավոր ինժեներն էր: Շուրջ 16 տարի նա ղեկավարեց հսկա գործարանը: Հունիսի 24-ին Երևանում կայացած բաժնետերերի հերթական ժողովում ստեղծվեց ընկերության կառավարման նոր մարմին՝ տնօրենների խորհուրդ և խորհրդի նախագահ նշանակվեց ԶՊՄԿ բազմամյա տնօրեն Մաքսիմ Հակոբյանը: Մեծ է նրա դերը հանքարդյունաբերության ոլորտում, որի վառ ապացույցն է հանքարդյունաբերության լավագույն հրամանատարի համբավ ձեռք բերելը: Անմոռանալի և անուրանալի է նրա բարեգործությունների թիվը՝ սոցիալական, առողջապահական, կրթական, մշակութային, քաղաքաշինության, դպրոցաշինության, բանակաշինության և բազմաթիվ այլ ոլորտներում: Բարի ժպիտ, բարի համբավ, բարի գործ, հայրենասիրություն՝ սրանք են բնորոշում լավ մարդու, լավ բարեկամի, լավ հարևանի, լավ ղեկավարի որակական հատկանիշները:
2002 թվականին նախագահի հրամանագրով պարգևատրվել է «Անանիա Շիրակացի» մեդալով, արժանացել Հայ Առաքելական եկեղեցու բարձրագույն պարգևի` «Սուրբ Գրիգոր Լուսավորիչ» շքանշանի։
2004 թվականին ընտրվել է «Մատենադարանի բարեկամներ» բարեգործական հիմնադրամի պատվավոր անդամ։
2005 թվականին Միջազգային քաղաքականության ռուսական ակադեմիայի կողմից նրան շնորհվել է դոկտորի գիտական աստիճան, իսկ 2008 թվականին արժանացել է Հայաստանի պետական ճարտարագիտական համալսարանի պատվավոր դոկտորի կոչման։
2006 թվականից հանրապետության հանքագործների և մետալուրգների միության նախագահն է։
Քաջարան, Կապան, Մեղրի, Ագարակ քաղաքների, Արմավիրի մարզի պատվավոր քաղաքացի է։
2007 թվականին ճանաչվել է «Տարվա մարդ» ։
2011 թվականին պարգևատրվել է «Հայրենիքին մատուցած ծառայությունների համար» 1-ին աստիճանի մեդալով, «Սուրբ Մեսրոպ Մաշտոց» հուշամեդալով։
Ունի երկու որդի, չորս թոռ։ Անկուսակցական է։