Ցավում եմ կատարվածի համար, իհարկե, սակայն խորհուրդ եմ տալիս չշահարկել Գագիկ Ծառուկյանի անունը և վերջ տալ արդեն ավանդույթ դարձած պատվերով մարդկանց վրա ցեխ շպրտելու գործելաոճին
Թերթերից մեկն այսօր անդրադառնալով 2012թ. սեպտեմբերի 13-ին Աբովյան քաղաքի
«ՄԱ-Պլազա» ժամանցային կենտրոնի դիմաց դաժան ծեծի հետևանքով մահացած Մկրտիչ Խաչատրյանի հետ կապված գործի քննության ընթացքին նշել էր, որ ծեծի ենթարկողների հարազատները շահարկում են ԲՀԿ առաջնորդ Գագիկ Ծառուկյանի անունը:
Այս ամենի մասին զրուցեցինք ԲՀԿ առաջնորդ Գագիկ Ծառուկյանի մամուլի խոսնակ Իվետա Տոնոյանի հետ, ով մեզ հետ զրույցում տեղեկացրեց, որ Վահրամ և Վարդան Գրիգորյանները որևէ առնչություն չունեն ԲՀԿ առաջնորդ Գագիկ Ծառուկյանի հետ և որևէ հովանավորչության տեսակի մասին խոսելն արդեն իսկ ինքնանպատակ է և հեռու խելամտության սահմաններից: «Ցավում եմ կատարվածի համար, իհարկե, սակայն խորհուրդ եմ տալիս չշահարկել Գագիկ Ծառուկյանի անունը և վերջ տալ արդեն ավանդույթ դարձած պատվերով մարդկանց վրա ցեխ շպրտելու գործելաոճին», -հավելեց նա:
