Հունիսի 12-ին, ժամը 00: 34-ին «911» ծառայությանը տեղեկություն է ստացվել, որ Շիրակի մարզի Գյումրի քաղաքի Երևանյան խճուղու վերջնամասում տեղադրված «Գյումրի» ցուցանակի ետնամասում ծուխ է նկատվում:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Ազատանի խճուղու թիվ 55/1 հասցեի մոտակայքում գտնվող չբնակեցված շինությունում (մոտ 160 քմ) ։
Հրդեհը մեկուսացվել է ժամը 01: 07-ին, մարվել՝ 01: 41-ին: Այրվել են կենցաղային իրեր (մոտ 15 քմ) ։
Հրշեջ-փրկարարները շինության ներսում հայտնաբերել են Շ. Մ.-ի (ծնված 1952 թ.) այրված դին և մոտեցրել շտապօգնության ավտոմեքենային:
