Հարցազրույց Flex դպրոցականների ծրագրի մասնակից Գայանե Ղազարյանի հետ.
Ամերիկյան խորհուրդները հնարավորություններ է ստեղծում անհատների համար հաջողության հասնելու սերտորեն փոխկապակցված և արագ փոփոխվող աշխարհում: Ամերիկյան խորհուրդները Հայաստանում իրականացրել է ԱՄՆ-ի կառավարության կողմից հովանավորվող տասնյակ ծրագրեր` հնարավորություն տալով ավելի քան 1200 աշակերտների, ուսանողների, դասախոսների և վարչական աշխատակիցների սովորելու և մասնագիտական վերապատրաստում անցնելու ԱՄՆ-ի դպրոցներում և համալսարաններում: Ի՞նչ է իրենից ներկայացնում Flex ծրագիրը. Նախ նշեմ, որ շատ հիանալի ծրագիր է, մեծ հնարավորություններով լի: Տեղի է ունենում մրցույթ: Մրցույթին մասնակցությունը բաց է և անվճար բոլոր դիմորդների համար, ովքեր համապատասխանում են անհրաժեշտ տարիքային, անգլերենի գիտելիքների, պահանջներին: Մրցույթի բոլոր հաղթողները մասնակցում են նախապատրաստական ինտենսիվ դասընթացների ԱՄՆ կյանքին պատրաստվելու համար և շարունակում են լիարժեք կրթություն ստանալ ԱՄՆ-ի ավագ դպրոցներում: Իսկ հնարավո՞ր է մեկնել ԱՄՆ, և ծրագրի ավարտից հետո մնալ այնեղ: Ոչ. Դա բացառվում է, քանի որ ամբողջ տարվա ընթացքում մենք կապ ենք պաշտպանում ծրագրի աշխատակիցների հետ: Նրանք պարտավոր են մեզ անվնաս ետ վերադարձնել տուն: Նույնիսկ վերադառնալուց հետո FLEX շրջանավարտների ասոցիացիան հովանավորում և իրականացնում է միջոցառումներ ողջ տարվա ընթացքում: Լինելով դեռ դպրոցական դեռահաս, մասնակցել ես Flex ծրագրին և հաղթել, ինչպե՞ս կարողացար նման որոշում կայացնել, միայնակ հեռանալ հազարավոր կիլոմետրեր հեռու՝ ԱՄՆ. Դեռ 5-6 տարեկանից երազում էի ԱՄՆ-ում ապրելու մասին: Անգամ միտքը անհնար էր թվում, ու երբ ինձ ընձեռնվեց նման հնարավորություն, ոչինչ չէր կարող արգելք դառնալ իմ և երազանքիս միջև: Էությամբ համարձակ եմ ու անընդհատ նոր արկածներ եմ փնտրում: ԱՄՆ մեկնելն էլ նոր էջն էր լինելու, իմ արկածային պատմության: Ի՞նչպիսի արձագանք ունեին ծնողներդ. Ծնողներս, իհարկե ուրախ էին ինձ համար, բայց անշուշտ մտահոգված էին իմ ապահովության համար: Ամեն ծնողի էլ դժվար է, յուրաքանչյուր տարիքում էլ իր երեխային թողնել միլիոնավոր կիլոմետրեր հեռու, այն էլ մենակ: Մինչև օրս էլ մայրս զարմանում է, թե ինչպես թողեց ինձ այդքան հեռու: Ի տարբերություն նրա հայրս սկզբից էլ շատ դրական էր տրամադրված: Ո՞րն է Flex ծրագրից մնացած ամենամեծ ձեռքբերումդ. Միանշանակ իմ երկրորդ ընտանիքը: Երբ մեկնում էի, մեջս մի փոքր տագնապ կար: 10 ամիս պետք է ապրեի լրիվ անծանոթ մարդկանց հետ, բայց արի ու տես, որ այդ անծանոթները դարձան իմ երկրորդ ընտանիքը, ովքեր մինչև հիմա կյանքս սիրով ու հոգատարությամբ են լցնում: Ի շնորհիվ նրանց՝ օտարության մեջ, ես ինձ ոչ մի վայրկյան օտար չեմ զգացել: Լավագույն հիշողություններս ԱՄՆ-ից կապված են հենց պապիկիս հետ, ով իմ ամերիկյան անվան՝ Ջիջի-ի հեղինակն է: Բացի դասերից ծրագիրը ուրիշ ի՞նչ հետաքրքրություններ է առաջարկում դպրոցականներին. Ծրագրում ամենաքիչ հետաքրքրությունը հենց դասերի մեջ է: Ծրագրի նպատակը ամերիկյան մշակույթի ու ապրելակերպի հետ ծանոթանալն է, 10 ամսով ամերիկացի դառնալն է՝ միևնուն ժամանակ կիսելով սեփական մշակույթը: Առաջնային նպատակն է բարելավել փոխըմբռնումը ԱՄՆ-ի քաղաքացիների և այլ ազգերի միջև: Սովորելով թե՛ ամերիկյան և թե՛ հայկական դպրոցներում՝ Կրթական համակարգի, ո՞ր տարբերակն է քեզ համար ավելի նախընտրելի. Միանշանակ ամերիկյանը. Հենց այդ պատճառով էլ հիմա սովորում եմ Ամերիկյան համալսարանում: Տարբերությունները այնքան շատ են, որ պետք չէ անգամ սկսել թվարկել: Մի բան կասեմ. այնտեղ երեխաները ունեն ընտրության լայն հնարավորություն ինչպես ակադեմիական առարկաների հարցում, այնպես էլ ստեղծագործական: Ինչպե՞ս է անցնում այնտեղի դեռահասների կյանքը. Դեռահասները շատ բազմազան են: Հնարավոր չէ մեկ ընդհանուր բնութագիր տալ բոլորին: Ինչպես այստեղ, այնտեղի դեռահասների մեջ էլ կան հոգևոր արժեքներով հետաքրքիր մարդիկ, և կան Iphone-ների վերջին մոդելները քննարկողներ: Այնտեղի դեռահասները ավելի ազատ են յուրաքանչյուր հարցում: Շատ քիչ սովորույթներ են պահպանում, չեն հետևում ավանդույթներին: Ի՞նչ խորհուրդ կտաս մյուս դպրոցականներին, ովքեր ցանկություն ունեն և փորձում են մասնակցել ծրագրին. Պետք է ոչ մի բանից չվախենալ, լսել միայն սրտի թելադրանքին. Մնալ մաքսիմում անկեղծ սեփական անձի հետ, և կայացրած որոշումների մեջ: Գնացե՛ք ձեր երազանքի ետևից: |