Հայկական ռեպ: Ժամանակին այս ամենը հնչում էր իբրև երազ, իսկ այժմ որպես կայուն, փաստացի իրականություն: Շատ կատարողներ ի հայտ եկան վերջին ժամանակաշրջանում, որոշները մեկ- երկու երգ երգելուց հետո հօդս ցնդեցին, որոշները հասան փառքի, իսկ որոշներն էլ, օրնիբուն աշխատելով հանդերձ, դեռ ճանապարհին են: Թերևս երրորդ շարքին կդասեմ մեր հերոսներին ՝ Նարեկին, Հայկին, Գագիկին (Ջիգա) , Դավիթին և Համբարձումին: Մոտ 3 տարի առաջ տղերքը ստեղծեցին ռեպ թիմ ՝ DANGEROUSE NATION, կարճ ՝ DN, և սկսեցին կերտել իրենց պատմությունը, որը ուներ մի շարք բարդություներ, դժվարություներ: Այդ ամենով հանդերձ տղաները հասցրել են 3 տարվա ընթացքում բացել ստուդիա՝ DN RECORDS, բաց թողնել ալբոմ և ունենալ 4 մենահամերգ: Նրանց կյանքի և գործունեության մասին կպատմեն հենց իրենք ՝ DN-ցիները, առաջիկա հարցազրույցի ժամանակ, իսկ այժմ մնում է հավելել, որ Մարտի 24 - ին «Ulikhanian» ակումբում ժամը 17: 00-ից ի վեր թեժ է լինուլու . սպասվում է DN-ի 5 - րդ համերգը ՝ լի անակնկալներով և հայկական ռեպի շնչով: DN –ը սպասում է ձեզ:
