Օրերս Արմավիրի մարզի Նորակերտի միջնակարգ դպրոցի 6-րդ դասարանում միջոցառում էր "В здоровом теле – здоровый дух" խորագրով: Դասարանը ձևավորված էր բազմաթիվ պաստառներով: Աշակերտները ռուսերեն լեզվով ներկայացրեցին սպորտի պատմությունը, տարբեր սպորտաձևերի ծագման գաղտնիքները: Մեծ ուշադրությամբ ու սիրով ներկայացրեցին օլիմպիական խաղերի հայազգի չեմպիոններին:
Միջոցառման ընթացքում երեխաները մեծ տեղ էին տվել իրենց սիրած սպորտաձևերից շախմատի ու ֆուտբոլի պատմությանը: Նրանք սիրով խոսեցին հայազգի շախմատի չեմպիոնների հաղթանակների, ձեռքբերումների, ինչպես նաև նախասիրությունների մասին:
Նրանք երգեցին Օլեգ Գազմանովի, Շակիրայի «Ֆուտբոլ» երգերը, պարեցին, արտասանեցին բազմաթիվ բանաստեղծություններ ու ասույթներ սպորտի մասին:
Միջոցառումը կազմակերպել էր դասարանի դասղեկ և ռուսաց լեզվի ուսուցիչ Ա. Պողոսյանը: