Статьи

    
    
    
    
    
    
    
    
    
    
    
    
    
    
    
    
     Նորակերտի միջնակարգ դպրոցում Համբարձման տոնը նշվեց որպես համադպրոցական տոնակատարություն: Այն կազմակերպել էր խմբակավար Ի. Մկրտումյանը: Միջոցառմանը աշակերտները պատրաստվել էին մեծ խանդավառությամբ: Դպրոցն ամբողջությամբ զարդարված էր Համբարձման տոնի խորհրդանշան համարվող դաշտային ծաղիկների փնջերով:

Երեխաները զուգված ազգային և տոնածիսական հագուստներով, ծաղկահյուսերով, հանդիսատեսին ներկայացրին Համբարձման տոնի գլխավոր արարողությունը՝ Վիճակին նվիրված գեղեցիկ բեմական ներկայացում: Տոնի ավարտին դպրոցի բակը վերածվեց ժողովրդական երգ ու պարի, խաղերի ու մրցույթների մեծ բեմահարթակի: Հատկապես աչքի ընկան «Զատիկներ» պարի խմբի սաները: