Լեո Մեսսին պատռել է ձախ ոտքի ազդրի հետին մկանը, ինչի պատճառով կարող է մոտ 2 ամիս բաց թողնել:
Բարսելոնայի բժշկական շտաբն այսօրվա բուժզննումից հետո հաստատել է, որ Մեսսին պատռել է ձախ ազդրի հետին մկանը: Լեոյին ապաքինման համար կպահանջվի 6 - ից 8 շաբաթ: Ապաքինման սկզբնական փուլը նա կանցկացնի Բարսելոնայում, ինչից հետո կվերադառնա հարազատ Բուենոս Այրես:
Հիշեցնեմ, որ Լիոնել Մեսսին Բետիսի դեմ խաղի 19 - րդ րոպեին ստացել էր այդ վնասվածքն ու րոպեներ անց փոխարինվել: Բենիտո Վիլյամարինում տեղի ունեցած այդ խաղը նրա համար 16 - րդն էր այս մրցաշրջանում: Այդ հանդիպումներում նա 14 գոլ է հեղինակել: