Փոքրիկները միջոցառմանը հանդես եկան շատ բարձր պատրաստվածությամբ, ուրախ ու գեղեցիկ տոն էր «Ամենագետներ» քոլեջում, որը համակեց նաև ծնողներին, հրավիրվածներին, իսկ փոքրիկների համար տոնն էլ ավելի կրկնապատկվեց, երբ միջոցառման ավարտին նրանք անակնկալներ ստացան տնօրինության կողմից:
Քոլեջի սաներից մեկը՝ Ապավենը մեր հարցին, թե ի՞նչ է անելու արձակուրդին, ի պատասխան նա ասաց, - կարոտելու եմ քոլեջը: Իսկ հարցին, թե հատկապես ինչ կկարոտի, պատասխանեց, -դասատուներիս:
Այստեղից կարող ենք հետևություն անել, որ մանկավարժների նվիրումն ու մեծ սերը դեպի երեխաները, սոսկ տպավորություն չէ, այլ իրականություն, որի մասին խոսում են երեխաները: Բարի ընթացք ու երջանիկ մանկություն են ցանկանում երեխաներին, իսկ «Ամենագետներ» քոլեջը թող, որ անվանը համահունչ սաներ ունենա:
