Ռամիլ Սաֆարովի արտահանձնումը Ադրբեջանին բավական մեծ աղմուկ բարձրացրեց աշխարհում:
Հայաստանում արդարության վերականգնման համար հենց առաջին օրվանից պայքարի դուրս եկան բազմաթիվ երիտասարդներ: Այսօր պաշտոնական այցով Հայաստանում էր գտնվում ՆԱՏՕ-ի գլխավոր քարտուղար Անդերս Ֆոգ Ռասմուսենը:
Ռասմուսենը այցի շրջանակներում եղավ նաև Երևանաի պետական համալսարանում: Այստեղ նրան ուսանողները դիմավորեցին բողոքի ակցիայով:
Ակցիայի մասնակիցները զրույցում նշեցին, որ պատրաստվում են իրենց բողոքի ակցիան շարունակել նաև վաղը։
Նրանք ՆԱՏՕ-ից պահանջում են տեղի ունեցածի վերաբերյալ գնահատական հնչեցնել, Հունգարիայի՝ ՆԱՏՕ-ի անդամությունը սառեցնել և հետաքննություն անցկացնել։
Պետական համալսարանից, երբ դուրս եկավ ՆԱՏՕ-ի գլխավոր քարտուղարը երիտասրադները նրան դիմավորեցին «ամոթ, ամոթ, արդարություն» վանկարկումներով: Ռասմուսենը արևմտյան գործիչներին հատուկ ժպիտով ողջունում էր ներկաներին և նստելով մեքենա արագ հեռացավ: Ցուցարարները լքեցին պետական համալսարանի տարածքը` նշելով, որ իրնեց պայքարը դեռ չի ավարտվել: