«Պարի Սեն Ժերմենի» կիսապաշտպան Լուկաս Մոուրան հայտնվել է «Յուվենտուսի» ուշադրության կենտրոնում. հաղորդում է La Gazzetta dello Sport-ը:
Թուրինյան ակումբի ղեկավարության դիտակետում այս պահին մի քանի ֆուտբոլիստներ կան, այդ թվում` «Մանչեսթեր Յունայթեդից» Նանին և կրկին «Պարի Սեն Ժերմենից» Ժերեմի Մենեզը: Թե ում տրանսֆերային իրավունքները գնելու հարցում «Յուվենտուսն» առաջնահերթություն կտա, դեռ հայտնի չէ:
Հիշեցնենք, որ Լուկա Մոուրիան «ՊՍԺ» է տեղափոխվել նախորդ ձմեռային տրանսֆերային պատուհանի ժամանակ` «Սան Պաուլուից», 40 մլն եվրոյի դիմաց: Ընթացիկ մրցաշրջանում Լուկասը մասնակցել է 12 խաղի, դարձել 2 գոլի և 5 գոլային փոխանցման հեղինակ: