Այսօրվա դրությամբ, ընդհանուր թոքաբորբ ունեցողների թիվը մոտ 180 հոգի է։ Այս մասին այսօր՝ ապրիլի 10-ին, լրագրողների հետ հանդիպման ժամանակ նշեց ՀՀ առողջապահության նախարար Արսեն Թորոսյանը, սակայն դժվարացավ ասել՝ թե քանի երեխա, հղի կին կամ բուժաշխատող է վարակված կորոնավիրուսով:
Հարցը թվերի մեջ չի: Նույն տրամաբանությամբ կարելի է ասել, թե քանի վարսավիր, քանի պետական պաշտոնյա կամ ոստիկան է վարակված: Իհարկե, բուժաշխատողների մասը սպեցիֆիկ է եւ նրանց վարակվելն անխուսափելի է, որովհետեւ նրանք շատ-շատ են շփվում տարբեր անձանց հետ: Լավն այն է, որ ծանր վիճակում գտնվող բուժաշխատողներ չունենք: Նաեւ մեր տարեց գործընկերներին խնդրել էինք տանը մնալ եւ չմասնակցել այս միջոցառումներին», -ասաց Արսեն Թորոսյանը:
