Քանի որ մկները կատուներից շատ էին տուժում, ժողով են գումարում, որպեսզի պարզեն, թե ինչն է իրենց դժբախտության պատճառը: Քննարկում են, քննարկում, ու հանգում են այն եզրակացության, որ պատճառն առաջնորդների բացակայությունն է: Նրանք առաջնորդներ են ընտրում և որպեսզի բոլորը ճանաչեն առաջնորդներին, նրանց գլուխներին ոսկե պոզիկներ են ամրացնում:
Մի օր էլ կատուներն հարձակվում են մկների վրա: Շարքային մկներն արագ ծակերն են մտնում ու թաքնվում են իրենց բներում: Ողբերգական էր միայն առաջնորդների ճակատագիրը, որովհետև ոսկե պոզիկները նրանց խանգարում են արագ թաքնվել: Նրանք բոլորը կատուների ճանկն են ընկնում և դառնում են նրանց այդ օրվա կերակուրը:
