Ֆրիդրիխ ֆոն Շիլլերն ինքն իրեն գրել հարկադրելու շատ հետաքրքիր, տարօրինակ մեթոդներ է գործադրել: Որպեսզի կարողանա կենտրոնանալ և ստեղծագործություններն ավարտին հասցնելուն անհրաժեշտ ներշնչանքը «գտնել», այս գերմանացի բանաստեղծն իր գրասեղանի դարակներում նեխած խնձորներ է դրել: Դրանց տհաճ հոտը Շիլլերին ստիպել է արագ գրել, որպեսզի ստեղծագործությունն արագ ավարտի և հնարավորինս շուտ ազատվի գարշահոտը ճարահատյալ շնչելու՝ իր իսկ պարտադրանքից: Ավելին, գիշերվա ժամերին գրել կարողանալու և արթուն մնալու համար նա ոտները դրել է սառցաջրով լի լոգնոցի մեջ: Դա նրան արթուն և զգոն է պահել:
Տարօրինակ եղանակով կատարված գրական աշխատանքի պտուղները՝ Շիլլերի ստեղծագործությունները, ներշնչել են Վերդիին, որը դրանց հենքի վրա օպերաներ է ստեղծել:
