Արհեստագործական մասնագիտական խմբերում ուսման հետ զուգընթաց Աբովյանի N1 արհեստագործական պետական ուսումնարանում մեծ և լայն ուշադրություն է դարձվում նաև ռազմահայրենասիրական դաստիարակության հարցերին:
Ինչպես նշեց ուսումնարանի զինղեկ, գնդապետ Վլադիկ Ավագյանը, այս աշխատանքները մշտապես գտնվում են ուսումնարանի տնօրեն Մամիկոն Շահբազյանի ուշադրության կենտրոնում: Մեր համագործակցության արդյունքում ուսումնարանի սովորողները լայն մասնակցություն են ունենում զինպատրաստվածությանը վերաբերող մարզային բոլոր մրցույթներին:
-ՈՒրախալի է, որ ունենք բավականին հաջողություններ և այս ուսումնական տարում ջանք ու եռանդ չենք խնայելու հասնել նոր բարձրունքների, -շեշտում է զինղեկը և ավելացնում. Այնտեղ, որտեղ կա աշխատանքի նկատմամբ սրտացավ վերաբերմունք և նպատակին հասնելու համընդհանուր ձգտում, պետք է սպասել դրական արդյունքների:
Օվսաննա Չափարյան