Բոլորը բարձրաձայնում են Սևանա լճի ծաղկման մասին, սակայն դեռ չեմ տեսել, որ որևիցէ մեկը լուծում առաջարկի։
Նորից կցանկանաի անդրադառնալ «մտահոգ» բնապահպանական այն խմբին, ովքեր պնդում են, որ Սևանա լիճը ծաղկել է մակարդակի նվազման հետևանքով:
Այո, այն որ նախկինում Սևանից անխնա ջրառ են իրականացրել (պետք է պարզել թե ինչ նպատակով), դա կարելի է փաստել թվերով: Սակայն այս տարի ջրառ նոր է իրականացվում և հետևաբար դա չի կարող պատճառ հանդիսանալ Սևանի ծաղկմանը։
Մի քանի փաստեր, թվեր․․․
1. Նախ նշեմ, որ 2019թ.-ին Սևանա լճից ջրառ է իրականացվել միայն հուլիսի 8-ից՝ ընդհանուր առ 02.07.2019թ. դրությամբ 31.188մլն խմ: Նույն օրվա դրությամբ 2018-ին այս ցուցանիշը եղել է 47.212մլն խմ, իսկ 2017-ին՝ 93.254մլն խմ: 2018թ-ին Սևանա լճից ջրառը սկսվել է ապրիլի 18-ից։
2. Արփա-Սևան ջրատարով լիճ մուտք գործած ջրի ծավալը 02.07.2019թ-ի դրությամբ կազմում է 126.086մլն խմ: Նույն օրվա դրությամբ 2018-ին այս ցուցանիշը եղել է 110.005մլն խմ, իսկ 2017-ին՝ 79.736մլն խմ:
3. Ջրամբարներում եղած ջրի ծավալը գերազանցում է նախորդ տարվա ցուցանիշներին:
Արփի լճում 83% է, նախորդ տարի նույն օրը եղել է 46%, Ապարանի ջրամբարում՝ 51%, նախորդ տարի 35%: Ազատի ջրամբարում 84% է, նախորդ տարի՝ 66%: Մարմարիկը 58% է լցված, նախորդ տարի եղել է ընդամենը 26%:
Կան մասնագետներ՝ ովքեր անկախ իրական ցուցանիշներից յուրաքանչյուր տարի հայտարարում են, որ «Սևանա լճի այսօրվա վիճակը տարբերվում է մյուս տարիներից» և որպես պատճառ առաջինը համարում են լճից իրականացվող ջրառը:
Օրինակ՝ 2010թ.-ին լճից 157.245մլն խմ ջրառ է իրականացվել, իսկ Արփա-Սևան ջրատարով լիճ մուտք գործած ջրի ծավալը եղել է 237մլն խմ: Սակայն այս դրական հաշվեկշռի դեպքում էլ է Սևանը ծաղկել:
Ծաղկման պատճառները բազմազան են, բայց առաջնայինը դա այն է, որ Սևանա լճի ավազանում կա ընդամենը մի քանի մեխանիկական մաքրման կայաններ, որոնք պարզապես չեն կարող մաքրել լիճ լցվող կեղտաջրերը (քիմիական, կենսաբանական):
2008թ.-ից սկսած Սևանա լճից օրենքով նախատեսված առավելագույն 170մլն խմ-ից «ահռելի քանակի» ջրառ է իրականացվել.
2008թ.՝ 303մլն խմ
2012թ.՝ 317.62մլն խմ
2014թ.՝ 269.6մլն խմ
2017թ.՝ 266.7մլն խմ
հ․գ․ մի բնապահպան էլ կա, ով Սևանի ծաղկման պատճառներից է համարում լճից իրականացվող ջրառը, ասեմ որ ժամանակին, երբ նա ոլորտի պատասխանատուն է եղել ու հիմա «թիվ 1 սրտացավերի» շարքին է դավում, իր ղեկավարման օրոք (1991-1994թթ․) Սևանա լճից բաց է թողնվել շուրջ 4մլրդ խմ ջուր, այսինքն տարեկան՝ 1մլրդ խմ ջուր։
հ.գ.գ․ հետաքրքրության համար նշեմ, որ 1927թ.-ից առ այսօր Սևանա լճից իրականացված ջրառը կազմում է շուրջ 43մլրդ խմ:
https://www.facebook.com/Sas.Miroyan/posts/2318391268257560
