Makaleler

Երևանի քաղաքապետ Տարոն Մարգարյանի նախաձեռնությամբ մայրաքաղաքի վարչական շրջանների և ՀՀ մարզերի միջև ձևավորված համագործակցության ծրագրի շրջանակում բարեկամություն է հաստատվել Նոր Նորք վարչական շրջանի և Գեղարքունիքի մարզի միջև: Այս համատեքստում Նոր Նորք վարչական շրջանի նախաձեռնությամբ ղեկավարի աշխատակազմի կրթության, մշակույթի և սպորտի, սոցիալական ապահովության, առողջապահության և ծրագրերի բաժինների, Կրթության և գիտության աշխատողների խորհրդային տարածքի արհմիության աջակցությամբ իրականացվել է հերթական ծրագիրը. Նոր Նորք վարչական շրջանի հ.141 հիմնական դպրոցի աշակերտները տնօրենի, մանկավարժների և կրթության բաժնի աշխատակիցների ուղեկցությամբ հյուրընկալվել են Գեղարքունիքի մարզի Սևան քաղաքի հ.6 միջնակարգ դպրոց-կենտրոնում:
     Հ.141 դպրոցի սաները ներկայացրել են «Գարեգին Նժդեհ-130» գրական երաժշտական ցերեկույթը՝ նվիրված ապրիլյան քառօրյա պատերազմի բոլոր մասնակից հերոսներին և զոհվածների անմահ հիշատակին:
     Միջոցառման ավարտին Նոր Նորք վարչական շրջանի ղեկավար Արմեն Ուլիխանյանի անունից դպրոցին է նվիրաբերվել աստղադիտակ և հուշանվեր: