Makaleler

     15 տարեկան Ալեքսանդրի երազանքները տարբերվում էին 21 տարեկան Ալեքսանդրի երազանքներից։ 15 տարեկան պատանին երազում էր դառնալ բժիշկ, երբ սկսեց սովորել Fundamental medicine ընդհանուր բժշկության Կարմիր խաչի Ավստրիայի կենտրոնական ինստիտուտում, 6 ամիս տևողությամբ տեսական և գործնական դասընթացների շրջանակներում գործուղվելով Սիրիա՝ահաբեկչական գործողություններից տուժած մարդկանց օգնելու կամավոր սկզբունքով։
     2010թ. շատ պատահական Ալեքսանդրը մասնակցում է Ինտերնյուսի քաղաքացիական լրագրության դասընթացներին, որից էլ սկսում է հետաքրքրություն ձևավորվել դեպի լրագրություն, բայց երիտասարդը որպես այդպիսին երբեք չի հետաքրքրվել լրագրությամբ, անգամ չպատկերացնելով իրեն այդ ոլորտում, որոշել էր ընդունվել բժշկական ինստիտուտ, սակայն...
     Պատանին սկսում է ուսումնասիրել, թէ ինչ է կատարվում աշխարհում, որոնք են գլոբալ խնդիրները, մարդու իրավունքների մեջ խորանալով հասնում է մինչև քայքայվող էկոհամակարգին։ Ամեն ինչ մինչև արմատները փոխվում է երբ 2012թ. ամռանը շատ պատահականորեն ծանոթանում է «Միտք վերլուծական», ներկայիս «Չոր մարքեթինգ» գրքի հեղինակ Վահրամ Միրաքյանի ու ՊՆ մամուլի խոսնակ Արծրուն Հովհաննիսյանի հետ։ Ալեքսանդրը դասընթացների ընթացքում ուսումնասիրելով ռազմական լրագրություն և տեղեկատվական անվտանգություն, հնարավորություն է ունենում ծանոթանալու և լավագույն ընկեր ձեռք բերելու ՏՏ ոլորտի անվտանգության մասնագետ Սամվել Մարտիրոսյանի հետ։ Դասընթացներից հետո արդեն հմտացած տղան աշխատանքի է անցնում Արմենիա հեռուստաընկերությունում որպես լրագրող։ Այսպես լրագրության ոլորտում խորանալով 2013 թ. ընդունվում է ԵՊՀ ժուռնալիստիկայի ֆակուլտետի լրագրության բաժին։ Սովորելու առաջին տարվա ընթացքում Ալեքսանդրը հասկանում է, որ Հայաստանում բարձրագույն կրդությունը դեռ բազում վերելքներ պետք է ապրի, այն ինչ տալիս են իրեն դասախոսները ինքը արդեն սովորել է իր պրակտիկաների ընթացքում, երբ դեռ 15_16 տարեկան էր։
     Շուտով, Ալեքսանդրը անցնում է Զինվորական պատրաստության՝համաձայն ՀՀ զինպարտության մասին օրենքի։ 2 տարի անցկացնելով Երևանի պաշտպանության նախարարության կից զորամասի՝տեղեկատվության և հասարակության հետ կապերի վարչության վերլուծական բաժնում։
     2016թ.անցնում է աշխատանքի Ա. Դ. Սախարովի անվան մարդու իրավունքների պաշտպանության կենտրոնում, որպես ծրագրերի համակարգող ու մեդիա փորձագետ։ Ավելի ուշ աշխատանքի է անցնում ՄԱԿ֊ի հայկական ասոցիացիայում, որպես ծրագրի ղեկավար և մեդիա փորձագետ։
     Ալեքսանդրը 21տարեկան է և արդեն հասել է հաջողության, նրա աշխատասիրությունը իրեն հասցրեց անգամ Գերմանիա, ուր նա այժմ աշխատում է ուսանողների հետ նրանց սովորեցնելով մեդիա։ Ալեքսանդրը հասկանալով, որ լրագրությունը իրեն ձգում է ոչ թե որպես մասնագիտություն, այլ այն ոլորտները, որի մեջ խորանում է լրագրությունը։ Այսպիսի հետաքրքրություն է նաև իրենից ներկայացնում մարդու կյանքը, պետք է դիտես ոչ թե միայն մակերեսը, այլ, իրական էությունը։