Սիրելի՛ սովորող, ցանկանո՞ւմ ես առնչվել 2500 տարվա պատմություն ունեցող հնագույն պարսկերենին, ծանոթանալ հարուստ ավանդույթներ ունեցող պարսկալեզու գրականությանը, իրանական մշակույթին, պատմությանը կամ պարզապես հետաքրքրված ես արևելյան այս հետաքրքիր երկրով, ուրեմն այս առաջարկը հենց քեզ համար է: «Մխիթար Սեբաստացի» կրթահամալիրում այսուհետ կկազմակերպվեն պարսկերենի դասընթացներ, որոնք հագեցած կլինեն նոր գաղափարներով և մեթոդներով: Դասընթացները կներառեն.
- ծանոթություն պարսից լեզվին
- ծանոթություն իրանական գրականությանը, պատմությանը
- հայ-իրանական լեզվական, գրական-մշակութային առնչակցություններին
- քննարկումներ և բանավեճեր ոլորտի ամենաբազմազան թեմաներով
- համագործակցություն կրթահամալիրի ակումբների հետ
- հանդիպումներ իրանցի մտավորականների և իրանագետների հետ
- ճանաչողական այցելություններ Հայաստանի պատմամշակութային վայրեր (Իրանին առնչվող)
- շփում պարսկախոսների հետ և կրթական փոխանակման ծրագրեր, ճամփորդություններ, ուսումնական ճամբարներ
Այսպիսով՝ դասընթացներին մասնակցողները հնարավորություն կունենան Իրանի միջոցով ճանաչելու կախարդիչ և իմաստուն Արևելքը, որը դեռևս 19-րդ դարում համարվում էր Եվրոպայի առաջադեմ երիտասարդության ամենահետաքրքիր զբաղմունքներից մեկը, քանի որ ոչ բոլորը կարող էին արևելյան ժողովուրդների հետ «լեզու գտնել»:
Ուրեմն՝ շտապե՛ք գրանցվել դասընթացներին. հետաքրքիր է լինելու: Բոլոր ցանկացողները կարող են դիմել «Մխիթար Սեբաստացի» կրթահամալիր, Բաբաջանյան 25, Ավագ և Միջին դպրոցների գրասենյակ
Հեռ. 010-73-23-30
