Ջրի օգտագործումը մեծ մասամբ կախված է նրանից, թե ինչպիսի օդի ջերմաստիճանում և ինչպիսի կլիմայական պայմաններում է ապրում մարդը:Երբ շատ շոգ է, ջրի պահանջը մեծանում է անկախ մեր ցանկությունից, մենք ուղղակի ստիպված ենք լինում շատ ջուր խմել, իսկ երբ ցուրտ է, մարդիկ ավելի քիչ են ջուր խմում:
Որպես կանոն, յուրաքանչյուր մարդ պետք է օրական խմի 2 լիտր ջուր թեյի և այլ հեղուկների հետ միասին:Կան մարդիկ, ովքեր պարզապես շատ են սիրում ջուր խմել, բայց պետք է հետևել դրան, որովհետև չափից շատ ծարավի զգացողությունը կարող է վկայել զարգացող շաքարախտի առկայության մասին:
Ընդհանուր առմամբ, ջուր խմելը օգտակար է, այն իսկապես նպաստում է օրգանիզմի մաքրմանը, որովհետև որքան մենք շատ ենք ջուր խմում, այնքան այն շատ է արտադրվում երիկամներում:Արդյունքում, այն նյութերը, որոնք պետք է օրգանիզմից դուրս գան, հեռացվում են ավելի հեշտությամբ:Մյուս կողմից, ջրի մեծ քանակությունը կարող է ճնշող լինել սիրտ-անոթային համակարգի համար:Այսպիսով, չի կարելի չարաշահել ջրի օգտագործումը:
Ջուրը կազմում է չափահաս մարդու օրգանիզմի 80%-ը:Երեխաների մոտ այն ավելի շատ տոկոս է կազմում:Թեյ, կաթ և այլ հեղուկներ խմելուց բացի մարդը պետք է նաև օգտագործի որոշակի քանակությամբ խմելու ջուր:Օրգանիզմը ունի դրա պահանջը, ուստի ջուրը ամբողջովին փոխարինել այլ հեղուկներով այնքան էլ ճիշտ չէ:
