Սիրելի հայրենակիցներ նոյեմբերի 25-ին, ժամը 16:00-ին կկայանա հանդիպում, որը կազմակերպում է «Մենք» երիտասարդական շարժումը:
Հանդիպման թեման է `Հայաստանում գործող աղանդների քայքայիչ գործունեության լուսաբանումը, որի բանախոսներն են «Միացյալ Երիտասարդական Լիգայի» համանախագահներ` Դանիել Պետրոսյանը և Սևակ Հովհաննիսյանը: Հանդիպման ժամանակ ՄԵԼ-ը կհրապարակի նաև նոր տեղեկություններ «Քրիստոսի հարսնացուն» աղան
դի վերաբերյալ:
Հանդիպմանը կմասնակցեն նաև «Մենք» երիտասարդական շարժման նախագահ Ռաֆֆի Գյոզալյանը և Երևանի Երիտասարդական Քաղաքապետարան ծրագրի ղեկավար, երիտասարդ քաղաքապետ Սևան Աղաջանյանը, ինչպես նաև տարբեր երիտասարդական, հասարակական կազմակերպությունների ղեկավարներ և նախագծերի հեղինակներ:
Հարգելիներս, ՄԵԼ-ը կոչ է անում, բոլոր նրանց, ովքեր հանդիսանում են հասարակական կազմակերպության ղեկավարներ և մտահոգված են այս խնդրով, ներկա լինել հանդիպմանը:
Վերջին ժամանակներս, աղանդների քայքայիչ գործունեությունը ընդգրկել է լայնամասշտաբ շրջանակներ, ուստի կարևորում ենք ձեր ներկայությունը:
