Հունվարին ՀՀ ԳԱԱ երկրաբանական գիտությունների ինստիտուտի երկրաբանական թանգարանում տեղի ունեցավ Ամանորին նվիրված միջոցառում և ‹‹Այլընտրանքային տոնածառեր›› ցուցահանդես: Միջոցառմանը մասնակցում էին Երկրաբանական թանգարանին կից էկոակումբի սաները, 116 հիմնական դպրոցը, Թեղենիկի, Երևանի N 66 և Ձորաղբյուրի միջնակարգ դպրոցները: Միջոցառման կազմակերպիչներն էին Երկրաբանական թանգարանը, Երիտասարդ կենսաբաների և քիմիկոսների ասոցիացիան:
Միջոցառումը սկսվեց Լեռների միջազգային օրվան նվիրված ‹‹ Հայկական լեռնաշխարհ ›› բեմականացմամբ: Զրույցի էին բռնվել Արարատը, Արագածը, Արմաղանը, Արայի լեռը, Աժդահակը, Արմաղանը, Հատիսը, որոնք պատմում էին հրաբխային ժայթքումների, հրաբխից ստացված օգուտների, հանքերի, բնության հրաբխային ծագման հուշարձանների մասին՝ թանգարանի էկոակումբի սաների կողմից: Ծրագրի հեղինակն էր թանգարանի աշխատակցուհի Սեդա Ավագյանը:
Ելույթներով հանդես եկան նաեւ մյուս դպրոցների սաները:
Միջոցառման ընթացքում մասնակիցների կողմից պատրաստված այլընտրանքային եղևնիները գնահատեց հանձնաժողովը: Հանձնաժողովի կազմում էին Երևանի Ճարտարապետության և շինարարության պետական համալսարանի դասախոս Մարինա Մովսիսյանը, Բնապահպանության նախարարության ներկայացուցիչը, Օրհուս կենտրոնի աշխատակից Սիլվա Այվազյանը, Հայկական ծառատունկ ծրագրի աշխատակից Նվարդ Գևորգյանը և Երիտաասարդ կենսաբանների ասոցիացիայի աշխատակից Լուսինե Աղաջանյանը: Լավագույնները պարգևատրվեցին հավաստագրերով ու շնորհակալագրերով ՀՀ ԳԱԱ երկրաբանական գիտությունների ինստիտուտի տնօրինության կողմից: