Նոյեմբերի 10-ը նշվում է որպես երիտասարդության համաշխարհային օր: Այդ առիթով թանգարանը հյուրընկալել էր բազմաթիվ ուսանողների և աշակերտների տարբեր համալսարաններից և դպրոցներից: Անցկացվեցին մի շարք գիտաճանաչողական դասընթացներ Հայաստան աշխարհի մասին՝ ի նպաստ վաղվա սերնդի կրթվածության:
Ուսանողները հատկապես տպավորված էին թանգարանի ջերմ ընդունելությունից և թեմայի շուրջ բազմաբովանդակ քննարկումներից, որոնց շնորհիվ հարստացրին իրենց անգլերեն լեզվի բառապաշարը երկրաբանական տերմիններով: «Մեր այցելության արդյունքում զինվեցինք գիտելիքներով, որ մեզ ուղեկցելու են ամբողջ կյանքի ընթացքում: Շատ տպավորված ենք էքսկուրսավար Սեդա Ավագյանի ներկայացման ձևից: Շնորհակալություն»:
ՀՊՄՀ բանասիրական ֆակուլտետի ուսանողներ
Ս. Բարսեղյանը Երևանի Ճարտրապետության և Շինարարության Պետական Համալսարանի և քոլեջի ուսանողների հետ միասին այցելելով երկրաբանական թանգարան մի յուրահատուկ դաս անցկացրին, որի ժամանակ ծանոթացան Հայաստանի ընդերքի հարստություններին: Դիտեցին նաև տեսանյութ քարանձանվերի մասին:
Թանգարանի տնօրեն Գայանե Գրիգորյանը ներկայացրեց բնության հուշարձանները, որոնք նորություն էին ուսանողներից շատերի համար: Էքսկուրսիայի ընթացքում էքսկուրսավար Անուշ Գրիգորյանը քոլեջի երիտասարդներին ներկայացրեց վաստակավոր երկրաբան Արմենակ Քոչարյանին, նրա գիտական աշխատությունները տարբեր հանքավայրերի վերաբերյալ, ինչպես նաև գրական ստեղծագործությունները:
Քննարկումների ընթացքում պարզվեց, որ այցելած երիտասարդներից որևէ մեկը դեռևս չէր եղել երկրաբանական թանգարանում: Սա յուրահատուկ նվեր էր այցելուներին «երիտասարդության համաշխարհային օրվա» առթիվ:
