Մոսկվայում ՀՀ դեսպանատունը մշտական կապի մեջ է Հրաչյա Հարությունյանի դատապաշտպանների հետ՝ վերջինիս հնարավոր օժանդակություն ցուցաբերելու համար։ Հ.Հարությունյանը այժմ գտնվում է հիվանդանոցում, որտեղ, քննիչների փոխանցմամբ, հագուստի կարիք չկա։ Նոր զարգացումների մասին հավելյալ կտեղեկացնենք։ Այդ մասին ասվում է Հայաստանի ԱԳՆ ֆեյսբուքյան պաշտոնական էջում:
Հիշեցնենք, որ հուլիսի 13-ին, «Նոր Մոսկվայում» խիճով բեռնված «ԿԱՄԱԶ» -ը բախվել է ուղևորատար «ԼԻԱԶ» ավտոբուսին:
«Նոր Մոսկվայում» ավտոբուսը երկու մասի բաժանած բեռնատարի վարորդը հայ է՝ Հրաչյա Հարությունյանը: Վթարի հետեւանքով զոհվել է 18, վիրավորվել՝ 64 մարդ:
Երեկ դատարանը կալանավորել է Հարությունյանին: Վերջինիս դատարանի դահլիճ կանացի խալաթով էին տեղափոխել:
