ՌԴ Եկատերինբուրգ քաղաքի Կիրակնօրյա հայկական դպրոցում մայիսի 21-ին տեղի ունեցավ գրական ցերեկույթ ՝ նվիրված Պարույր Սևակին։ Ներկա էին դպրոցի տնօրեն Ա․Բաղդասարյանը, Տեր Արիստակես քահանա Հովհաննիսյանը, ուսուցիչները, աշակերտները, ծնողները։ Դպրոցի միջին խմբի աշակերտները ուսուցչուհի Նաիրա Թորոսյանի օգնությամբ ներկայացրին պատառիկներ Պ․Սևակի ստեղծագործություններից սիրո, հայրենիքի, մայրական թեմաներով և անդրադարձ եղավ «Անլռելի զանգակատուն» պոեմին։
Ողջույնի խոսքով հանդես եկավ Արժանապատիվ Տեր Արիստակեսը։
Աշակերտների անթաքույց հուզառատ խոսքը հուզեց ներկաներին հառնումի, դիմակայումի գորովագութ զեղումներով։Գրական ցերեկույթը ամփոփվեց դպրոցի տնօրեն Արմեն Բաղդասարյանի կողմից շնորհակալական խոսքով հիշարժան ու գունեղ օրվա համար։
