Makaleler

1920 թվականին, «Հնդկաստանի ազգային կոնգրես» կուսակցության համագումարի ժամանակ, Գանդին հայտարարել է. «Այն պահից սկսած, երբ դուք ինձ առաջնորդ կընտրեք, դուք պարտավոր եք լինելու ենթարկվել դիկտատուրայի և պատերազմական օրենքի պահանջած կարգապահությանը»: Եվ նրա շրջապատի մարդիկ բավական չէ, որ մշտապես իրենց քաղաքական առաջնորդի դիկտատուրայի մամլիչի տակ են գտնվել, պարտավոր են եղել նաև ընդօրինակել Գանդիի ճգնավորական ապրելակերպը: Սակայն նրա ավագ որդին՝ Հարիլալը, բոլորից շատ է տանջվել հոր ինքնիշխան կամայականությունից, որովհետև Մահաթման նրան արգելել է ուսանել և սեռական հարաբերություն ունենալ իր կնոջ հետ: Հարիլալին այն աստիճան է ընկճել ու հուսահատեցրել իր այս վիճակը, որ տրվել է հարբեցողության: