Հայ Առաքելական եկեղեցին, նախնի եկեղեցու հաստատած կարգի համաձայն, ամեն տարի փետրվարի 14-ին՝ Քրիստոսի Ծննդից 40 օր հետո, մեծ հանդիսավորությամբ նշում է քառասուն օրական փրկչին Երուսաղեմի տաճարին ընծայաբերելու տոնը՝ Տյարնընդառաջը:
Տյարնընդառաջ նշանակում է Տիրոջն ընդառաջ դուրս գալ: Այս տոնը ժողովրդի մեջ հայտնի է նաև Տերնդեզ, Տրնդեզ և այլ անուններով, որոնք «Տերն ընդ ձեզ» արտահայտության փոփոխված տարբերակներն են:
Տյարնընդառաջը հայ ժողովրդի սիրած տոներից է: Այն տոնել սկսել են վաղ ժամանակներից: