Այսօր երգիչ Համլետ Գևորգյանը նշում է իր 40-ամյակը. նրան առաջինը շնորհավորել են ընտանիքի անդամները: Այս մասին Life.panorama.am-ին հայտնեց ինքը՝ երգիչը: Նրա խոսքով՝ առավոտվանից չեն դադարել իրեն ուղղված շնորհավորանքները՝ աշխարհի տարբեր ծայրերից:
Երգիչը, սակայն, այսօր զբաղված է փաստաթղթային հարցերով. բանն այն է, որ նա շուտով մեկնելու է Ֆրանսիա, որտեղ մայիսի 20-ին համերգ է ունենալու, ուստի այժմ ճամպրուկային տրամադրության մեջ է:
Մեր այն հարցին, թե որտեղ և ում հետ է պատրաստվում նշել իր ծննդյան տոնը, Համլետ Գևորգյանը պատասխանեց, որ օրը կանցկացնի ընտանիքի և ընկերների հետ, իսկ թե որտեղ՝ դեռ չի որոշել:
Խոսելով նպատակների մասին՝ Համլետն ընդգծեց, որ ցանկանում է իր զավակներին լավ մարդ մեծացնել: Իհարկե, երգիչը կարիերայի հետ կապված ծրագրեր ևս ունի. պլանավորում է նոր երգեր ձայնագրել և համերգներով հանդես գալ:
http://life.panorama.am/
