Շնչառական վարժությունների իմաստը կայանում է շնչառության ռիթմի, հաճախականության, խորության գիտակցված վերահսկման մեջ: Զարմանալի է, բայց ոչ բոլոր մարդիկ են կարողանում ճիշտ շնչել: Կենտրոնացնելով մեր ուշադրությունը` դժվար չէ նկատել` ինչպես է փոխվում մարդկանց շնչառությունը տարբեր իրավիճակներում. քնած, աշխատող, զայրացած, զվարթ, տխուր կամ վախեցած մարդիկ տարբեր կերպ են շնչում: Շնչառության խախտումը կախված է մարդու ներքին հոգեվիճակից, այդ պատճառով ինքնակամ, հրամայողական շնչառությունը պետք է հակառակ ազդեցությունը ունենա այդ հոգեվիճակի վրա: Սովորելով ազդել սեփական շնչառության վրա, կարելի է ձեռք բերել հուզական ինքնակարգավորման ևս մեկ եղանակ:
Շնչառական վարժությունների կատարման մեթոդիկա
Նստեք աթոռին (կողքով աթոռի հետնամասին), ուղղեք մեջքը և թուլացրեք վզի մկանները:
Ձեռքերը ազատ դնում եք ծնկներին և փակում եք աչքերը, որպեսզի վիզուալ ոչ մի ինֆորմացիա չխանգարի Ձեր կենտրոնացվածությանը: Կենտրոնացեք միայն ձեր շնչառության վրա:
Շնչառական վարժության կատարման ժամանակ շնչեք քթով, շրթունքները փակած, բայց ոչ սեղմված:
Մի քանի րոպե պարզապես վերահսկեք ձեր շնչառությունը: Ուշադրություն դարձրեք, որ այն թեթև է և ազատ: Զգացեք, որ ձեր շնչած օդը ավելի սառն է, քան արտաշնչածը: Հետևեք միայն, որ ձեր շնչառությունը լինի ռիթմիկ:
Հիմա ուշադրություն դարձրեք այն բանին, որ ներշնչելու և արտաշնչելու ժամանակ չմիանան լրացուցիչ շնչառական մկանները, հատկապես ներշնչման ժամանակ պետք չէ ուղղել ուսերը: Նրանք պետք է լինեն թուլացած, իջեցված և մի փոքր հետ գցած: Ներշնչելուց հետո, բնականաբար, պետք է հետևի արտաշնչումը, սակայն փորձեք երկարացնել շնչառությունը: Դուք կկարողանաք դա անել, եթե շարունակելով շնչել, որքան հնարավոր է երկար պահեք լարվածությունը կրծքավանդակի մկաններում: Մտածեք այն մասին, որ հիմա ձեզ սպասվում է շարունակական արտաշնչումը: Խորը շունչ եք քաշում և դրան հաջորդում է շարունակական արտաշնչումը. կրկնեք այն մի քանի անգամ:
Հիմա վերահսկում եք շնչառության ռիթմը: Հենց ռիթմիկ շնչառությունն է հանգստացնում նյարդերը, ունենում հակասթրեսային ազդեցություն: Դանդաղ շունչ քաշեք` ըստ այդմ հասցնելով միջին արագությամբ հաշվել մեկից մինչև վեցը: Ապա դադար տվեք: Վարժեցրեք ռիթմիկ շնչառությունը մոտավորապես 2-3 րոպե: Տվյալ պահին շնչառության տարբեր ֆազաների շարունակականությունը այդքան էլ կարևոր չէ, ավելի կարևոր է ճիշտ ռիթմը: