Irakanum.com-ը գրում է.
Ար Ջի Էյ Էմ Ռիթեյլ Գրուպ Արմենիա ՓԲԸ-ն մի օր թարս ոտքով արթնացավ ու հայտարարեց. «Ով էնպիսի սուտ ասի, որ ես ասեմ` սուտ է, Դալմա գարդեն մոլի կեսը նրան կտամ: Վերջը, մի Իրականում.քոմ եկավ ու ասաց այն, ինչ ասաց:
Հայտնի հեքիաթի նման մի բան էր, որ համացանցը սուտուփուտ լուրերով լցված լինելու հանգամանքը հիանալի իմացող մարդկանց հանկարծ թվաց սարսափելի հանցագործություն:
Այ իմ հարգելի Ար Ջի Էյ Էմ Ռիթեյլ Գրուպ Արմենիա ՓԲԸ ջան, եթե էդ ամեն ինչը սուտ է, ինչպես դուք եք ասում` «ակնհայտորեն իրականությանը չհամապատասխանող» , ինչու՞ եք խառնվել իրար: Իսկապե՞ս վախենում եք Դալմա գարդեն մոլի կեսը զիջելու հեռանկարից: Անհոգ եղեք, չենք ուզում: Մյուս կողմից, արի ու համոզիր սովորական ընթերցողին, որ այս ավելի քան լուրջ ՓԲԸ-ն սովորական ստի պատճառով մեծ աղմուկ է բարձրացնում: Ուրեմն, կմտածի սովորական ընթերցողը, էստեղ մի բան կա… Ախր էս երկրում ո՞վ չգիտի, որ դատական իշխանություններն էլ ՓԲԸ-ի նման մի բան են…
Այո, բոլորովին զարմանալի չէ, որ գործ ունենք ՓԲԸ-ի հետ: Այս` Ար Ջի Էյ Էմ Ռիթեյլ Գրուպ Արմենիա ընկերության փակ լինելն էլ հետաքրքիր փաստ է:
Ոչ պակաս հարգարժան Լեգելատա իրավաբանական ընկերություն ջան, դու՞ք ինչու եք լիազորվել, պարոն Գոռ Մարգարյան, մի՞թե այս ՓԲԸ-ի գործարար համբավից բացի էս երկրում այլ խնդիրներ չկան:
Եզրակացությունը մեկն է. Կան, բայց բոլորն իրար շաղկապված են, ու բոլորն էլ իրենց թելերով ձգվում են դեպի վեր, դեպի համապատասխան կուսակցության վերնախավ: Սա է, ցավոք, հայկական մեծ բիզնեսի ալֆան ու օմեգան: Ինձ թվում է, այնուամենայնիվ ինչ-որ լուրջ «մազոլներ» տրորել ենք: Է, հերքեք, ասեք, որն է սուտ, մենք էլ հրապարակային փորձենք հակառակը ապացուցել:
Շարունակությունն այստեղ: