Մի հարցազրույցի ժամանակ Հայկոն ասել է.
« «Ոչ ոք չի խոսում այն մասին, որ արդեն վեցերորդ ֆիլմի սաունդրեքն եմ գրում, բայց երբ հանկարծ մի օր փոխոցում մի փոքր խախտում անեմ, հաջորդ օրը բոլորը կխոսեն այդ մասին»: »:
44 տարեկան հասակում մահացել է երգիչ, երգահան Հայկոն: Նա վարակվել էր կորոնավիրուսով եւ սեպտեմբերի 21-ին տեղափոխվել հիվանդանոց: Հայ ազգը կորցրեց իր մեծ Արտիստին: Սգում է երկիրը, չկա այնպիսի մի մարդ, ով անտարբեր կարող է անցնել այս լուրի կողքով: Քաղաքը լցվել է Հայկոյի երգի հնչյուններով ու ջերմությամբ, ուզում ես բարձր ձայնով գոռալ կանգնի՛ր ժամանակ, կանգնի՛ր, ու՞ր ես շտապում:
Աննկարագրելի ցավ է: Հարազատ հոգի կորցնելուց հետո նայում ես ետ, ու կյանքը նորից փորձում վերաարժևորել: Հարցնում ինքդ քեզ ինչ պետք է ասեիր, որ չասեցիր: Երիտասարդ մարդու մահից հետո հարցնում ինքդ քեզ, ինչ պետք է աներ, որ չհասցրեց անել:
Եկե՛ք հասկանանք, որ այս կյանքում ոչինչ էլ չի մնում: Այս կյանքում քանի դեռ ապրում ենք պետք է սեր տանք մարդկանց, շատ մեծ սեր ու ջերմություն: Հայկոն դա արեց իր երգերով, իր ազնիվ ու շիտակ կյանքով: Հայտնիության ու հարստության մեջ լինելով, բայց երբեք չմեծամտանալով: Հայրենասեր ու ընկերասեր լինելով:
Եկե՛ք ատելությունը փոխարինենք սիրով, բաժանությունը ամուր գրկախառնությամբ, երբեք ժլատ չլինենք մեր սիրո խոսքերի մեջ, որ վերջում չմտածենք ունենք չասված ու ուշացած խոսքեր:
