Հայաստանի ազգային գրադարանի մամուլի ֆոնդը շարունակում է համալրվել ինչպես բաժանորդագրության, «պարտադիր օրինակի», այնպես էլ նվիրատվությունների շնորհիվ։ Օրերս պատմաբան Գևորգ Յազիճյանի և Գրիգոր Դաքեսյանի շնորհիվ Ազգային գրադարանի ֆոնդը համալրվեց Լիբանանում հրատարակվող հայալեզու պարբերական մամուլի մի շարք հրատարակություններով (օրաթերթ, շաբաթաթերթ, ամսագիր) ։ Լիբանանի «Ազդակ» (2010-2021թթ.), «Զարթօնք» (2010-2021թթ.), «Արարատ» օրաթերթերի (2010-2021թթ.) և «Պայքար» շաբաթաթերթի (2017-2021) թվականների համարներն արդեն հասանելի են Հայաստանի ազգային գրադարանում։ «Հույս», «Կամար», «Դիտակ», «Հայ մանկավարժ», «Սփյուռք», «Մարզիկ», «Մասիս», «Զգույշ», «Տաճար տարեգիրք», «Հասկ», «Խօսնակ», «Արեգ», «Գեղարդ /Տարեգիրք/», «Տաճար /Տարեգիրք/», «Զուարթնոց», «Տեղեկատու» և «Տեղեկատու հայ ծերանոցի» ամսագրերի 2000-2021 թվականներին հրատարակված ամսագրերը (144 միավոր) ևս Ազգային գրադարանի մամուլի հարուստ ֆոնդը։
|