17-րդ դարի ֆրանսիացի բանաստեղծ Ժակ Վալլե դը Բարրոն (1599 – 1673 թթ.) ՝ նշանավոր փիլիսոփա և աստվածաբան Դեկկարտի համադասարանցին, շատ ընդունակ աշակերտ է եղել, և ճիզվիտներն ամեն ջանք գործադրել են նրան իրենց միաբանությանն անդամագրելու: Բայց ճիզվիտները նրան ամենևին դուր չեն եկել, և նա մի քանի անգամ նրանց ծաղրել է: Նրա տեսակին շատ բնորոշ է ստորև ներկայացված զվարճապատումը:
Մի սուրբ ուրբաթ օր Ժակ Վալլե դը Բարրոն ճարպով պատրաստված ձվածեղ է ուտելիս եղել («սուրբ» համարվող օրերին կենդանական որևէ կերակուր ուտելն արգելվել է), երբ հանկարծ ամպերն ուժգին որոտացել են: Դը Բարրոն անմիջապես բացել է պատուհանը, դուրս է նետել ձվածեղն ու ասել է. «Մի ձվածեղի համար չարժե այդպես աղմկել»: