Հանուն իշխանության քեռիներին հանել է իր եղբայրների դեմ ու բոլորին կոտորել է
Երբ մեռնում է հին հրեաներին կառավարող դատավորներից մեկը՝ Գեդեոնը, կարդում ենք Դատավորաց գրքում, նրա Հերոբոաղ որդու որդիներից մեկը՝ Աբիմելեքը, գնում է իր մոր եղբայրների մոտ, խոսում է նրանց ու իր մոր հորական ամբողջ ազգատոհմի հետ՝ ասելով. «Բոլոր սիկիմացիներին ի լուր ասացե՛ք. «Ո՞րն է լավ ձեզ համար՝ Հերոբոաղի բոլոր յոթանասուն որդիների իշխե՞լը ձեզ վրա, թե՞ մեկ մարդու իշխելը. և հիշեցե՛ք, որ ես ձեր ոսկորից ու ձեր մարմնից եմ» ։
Այս անարգ առաջարկին հետևած իրադարձությունների մասին Դատավորաց գիրքն հետևյալն է պատմում.
«Նրա մոր եղբայրները նրա այս բոլոր խոսքերը հասցրին Սիկիմի բոլոր բնակիչների ականջին, և նրանց սիրտը հակվեց Աբիմելեքի կողմը, որովհետև ասացին, թե՝ «Նա մեր եղբայրն է», և նրան տվին Բահաղ Բերիթի ուխտի տնից յոթանասուն արծաթ։ Դրանցով Աբիմելեքը դատարկապորտ և ահարկու մարդիկ վարձեց, որոնք և գնացին նրա ետևից։ Նա գնաց Եփրա, իր հոր տունը և մի քարի վրա կոտորեց իր եղբայրներին՝ Հերոբոաղի որդիներին՝ յոթանասուն մարդ։ Ողջ մնաց միայն Հովաթամը՝ Հերոբոաղի կրտսեր որդին, որովհետև թաքնվել էր։ Սիկիմի բոլոր մարդիկ և Մաաղոնի ամբողջ տունը գնացին թագավոր կարգեցին Աբիմելեքին Կռվի կաղնու մոտ, որ Սիկիմում է։
Նկարում՝ յոթանասուն եղբայրների կոտորածը
(շարունակելի)
