Durun lütfen yüklemiyor...
Օդնոկլասնիկի

Makaleler

ՀՀՀԴ–ի անդրանիկ հայտարարությունը

15:43, cumartesi, 12 haziran, 2021
ՀՀՀԴ–ի անդրանիկ հայտարարությունը
     Հավերժ հզոր Հայաստան դաշինքը (ՀՀՀԴ) ստեղծվել է 2021 թվականի հունվարի մեկին Հզոր ռազմիկ ՀԿ–ի նախագահ Սարգիս Մանուկյանի նախաձեռնությամբ, ով 2016 թվականից Արկադի Տեր–Թադևոսյանի հրամանով ղեկավարում է ԴՕՍԱՖ–ի դրոնների դպրոցը։ ՀՀՀԴ–ի կազմի մեջ են Հայոց մայրերի համախմբություն հանձնառության նախագահ Կարինե Այվազյանը (ում աջակցում էր լուսահոգի Արկադի Տեր–Թադևոսյանը նույն ինքը Կոմանդոսը), Սեպուհական շարժում և Հայ արիներ Հայկազուների ազգային միավորում ՀԿ–ների նախագահ գեներալ Լևոն Մխիթարյանը, Իրավագիտակից հայորդի ՀԿ նախագահ Վլադիկ Գալստյանը, Առաջադեմ կանանց միություն ՀԿ նախագահ Վարդուհի Գևորգյանը և Հայրենիք Հայրենակցական միությունների համակարգող խորհուրդի նախագահ Դավիթ Ալեքսանյանը։
     Մեր մոտակա առաջնահերթ նպատակն է ապահովել արտահերթ խորհրդարանական ընտրությունների բնականոն ընթացքը և անաչառությունը, քանզի այս ընտրությունները սովորական ընտրություններ չեն, սեղանին դրված է հայոց պետականության լինել չլինելու, հայի լինել չլինելուհարցը, և մենք հապաղելու իրավունք չունենք, մեր նախնիները մեզ հազարամյակների պատմական ժառանգություն են թողել, և մենք էլ պարտավոր ենք այդ պատմական ժառանգության կրողը և փոխանցողը լինել ներկա և գալիք դարերում։
    
     ––––Կոչ ենք անում հայ ժողովրդին ակտիվ մասնակցություն ցուցաբերել հունիսի 20-ին կայանալիք արտահերթ խորհրդարանական ընտրություններին, քանզի ամեն մի ձայն որոշիչ է և այդ մեկ ձայնից կախված է լինելու մեր բոլորի վաղվա օրը։
    
     –––Կոչ ենք անում ընտրություններին մասնակից բոլոր քաղաքական ուժերին գործել կոռեկտության սահմաններում, և չսրել երկրում ստեղծված առանց այդ էլ պայթունավտանգ դրությունը։
    
     –––Կոչ ենք անում արտահերթ խորհրդարանական ընտրություններին հավատարմագրված վստահված անձանց, միջազգային դիտորդներին, ինչպես նաև օրինապահ մարմիններին աչալուրջ լինել և թույլ չտալ որևէ անօրինություն։
    
     –––Կոչ ենք անում հնարավոր ընտրվող և չընտրվող կողմերին Հայաստանի Հանրապետությունում ստեղծված ներքին ծայրահեղ լարվածության պայմաններում ցուցաբերել բարձր գիտակցություն և զսպվածություն, և ամեն կերպ կանխել հնարավոր քաղաքացիական բախումները, որոնք հղի են ողբերգական հետևանքներով։ Եկեք չմոռանանք 2008 թվականի մարտի մեկը։
     ՀՀՀԴ–ն ամեն բան անելու է կանխելու հնարավոր հետընտրական բախումները և դրանից բխող հնարավոր ողբերգական հետևանքները։
    
     Մենք բաց ենք և պատրաստ ենք համագործակցելու բոլոր հայրենանվեր առողջ ուժերի հետ։
     Մեր հետագա անելիքների հետ կապված ձեզ կտեղեկացնենք դաշինքի մամուլի էջի միջոցով, Աստված պահապան հայ ժողովրդին և հայոց պետականությանը։
To promote the post
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
0
Beğenmemek
0
| | |
415 | 0 | 0
Facebook