Ձեր ընթերցանությանն եմ ներկայացնում կյանքիս տարբեր իրավիճակներում սեփական ու այլոց տխմարության ու տխմարների հետ առնչվելուց «ծնունդ առած» մի քանի դատողություն:
***
-Վտանգավոր տխմարները նրանք են, որոնք պայքարում են քո տխմարության դեմ, որպեսզի առաջ մղեն իրենց տխմարությունը:
***
-Կան մարդիկ, որոնք այն համոզմանն են, թե մարդ արարածի ամենամեծ ձեռքբերումը ձին է եղել: Այդ մարդիկ, հաստատ, երբեք հեծանիվ չեն հեծնել:
***
-Տերը որքան շատ է տխմար, շունը նույնքան հավատարիմ է:
***
-Երկու ընդդիմադիր մտավորական ավելի շատ բան են գտնում իրար ասելու, քան՝ նույն կուսակցության անդամ երկու տխմարը:
***
-Մեր օրերում ծեր տխմարները շատ ավելի երիտասարդ են:
***
-Կան մարդիկ, որոնց ես սիրում եմ և տխմարի տեղ եմ դնում, բայց չկան տխմարներ, որոնց ես ասեմ, թե իրենց սիրում եմ:
***
-Եթե որոշ տխմարներ պատերազմ են հրահրում, դա նրանից է, որ ուրիշ տխմարներ սեր են վայելում:
***
-Ես տխմարի տվյալներ ունեի և կարող էի երջանիկ լինել...
***
-Ես տխմարների մահը չեմ ցանկանում, որովհետև շատ եմ սիրում իմ նմաններին:
