«Նա լողում էր իր փսլինքի ու կղանքի մեջ… մեռավ կեղտի ու միայնության մեջ»
«Ես նողկում եմ մահից» . օսկարակիր դերասանի վերջին խոսքը «Դերասանի մասնագիտությունն աշխարհի ամենատխմար մասնագիտությունն է: Փաստ է, որ մրցակցությանը դիմանում է դերասանների ընդամենը մեկ տոկոսը: Եվ դա էլ՝ ո՛չ միշտ: Նրանք ստիպված են Աստծու կողմից իրենց հատկացված ամբողջ ժամանակի ընթացքում կենաց պայքար մղել»: Մարլոն Բրանդո «Նա պատմությանը հայտնի մեծագույն դերասաններից մեկն է. եղել է կենեմատոգրաֆ մինչև Բրանդոն և Բրանդոյից հետո՝ ճիշտ այնպես, ինչպես եղել է գեղանկարչություն մինչև Պիկասոն և Պիկասոյից հետո, եղել է գրականություն մինչև Հեմինգուեյը և Հեմինգուեյից հետո, պոպ երաժշտություն՝ մինչև Սինատրան և Սինատրայից հետո» , - ասել է Բրանդոյի կենսագիրը՝ ամերիկյան կինոյի և հեռուստատեսության դերասան, կինոռեժիսոր և քաղաքական ակտիվիստ Ս Կանֆերը: Մարլոն Բրանդոն՝ համաշխարհային կինոյի մեծագույն աստղերից մեկը, մահացել է 2004 թվականի հուլիսի 1-ին, 80 տարեկան հասակում, թոքերի ֆիբրոզից: Կյանքի վերջին տարիներին դերասանը տառապել է ճարպակալումից (1990-ականների վերջին նրա քաշը կազմել է ավելի քան 136 կիլոգրամ), շաքարախտի հետևանքով վատացել է նրա տեսողությունն ու լյարդի աշխատանքը: Համաձայն դերասանի կտակի՝ նրա մարմինն այրել են, աճյունափոշու մի մասը շաղ են տվել Թաիթի կղզում, մի մասն էլ ԱՄՆ Կալիֆորնիա նահանգի Մահվան հովտում: 2015 թվականի օգոստոսի 29-ին «Magazine du Monde» («Լը Մոնդ» թերթի ամենշաբաթյա պատկերազարդ հավելվածը) աշխարհահռչակ դերասանի մահվան վերաբերյալ հետևյալն է հրապարակել. «Ժորժ Անգլունը Բրանդոյին կենդանի տեսած վերջին մարդն է եղել: Դա տեղի է ունեցել 2004 թվականի հունիսի 30-ին: Արքան ոչ միայն լրիվ մերկ պառկած էր, այլ՝ դրանից շատ ավելի վատ վիճակում: Նա զրկված էր իր ողջ պերճանքից: Նա լողում էր իր փսլինքի ու կղանքի մեջ: «Ես նողկում եմ մահից», - նվաղուն ձայնով ասաց Բրանդոն: Դա եղավ նրա վերջին ցուցադրական խիզախությունը, հոխորտանքը: Նա, ով իր ամբողջ կյանքն այնպես էր ապրել, որ հեռու մնար տրորված արահետներից՝ լիներ դա էկրանին, կանանց հետ կամ տղամարդկանց ընկերախմբում, մեռավ սովորական մահով, մեռավ վշահար ու ստորադասված, մեռավ կեղտի ու միայնության մեջ»: Զինվորական կոփվածք ստացած նրա հայրը համոզված է եղել, թե բոլոր տղամարդ դերասանները հոմոսեքսուալներ են, և այդ իսկ պատճառով հայտարարել է. «Ես այդ պրոֆեսորուհուն թույլ չեմ տա, որ որդուս գոմիկ դարձնի, մանավանդ որ 1500 դոլար եմ տալիս, որ նա իսկական տղամարդ դառնա: Նա չի նստելու հայելու առջև և կանացի կոսմետիկա օգտագործի: Նա ամեն երեկո հանդիսականի առջև հետույքը խաղացնող պեդերաստ չի լինելու» : Հայրը, երևի, կանխազգացել է որդու միասեռական հակումը…1976 թվականին Բրանդոն խոստովանել է, որ ինքը միասեռական մի քանի հարաբերություն է ունեցել և համարձակորեն հայտարարել է, թե նույնասեռականությունն ինքն ընդունում է որպես մի սովորական երևույթ, և որ ինքը բոլորովին չի ամաչում, որ այդպիսի հարաբերությունների փորձառություն ունի: Նա նաև կատակով ասել է. «Եթե հասարակությունն ուզում է մտածել, թե ինքը Ջեկ Նիքոլսոնի սիրեկանն է, ապա ինքը չի առարկում» : Նա չի թաքցրել, որ իր տանը պահում է դերասան Ուոլլ Քոկսի աճյունափոշին, որի հետ սերտ ընկերություն է արել տասը տարեկանից: Նա կտակել է, որ իր աճյունափոշին Քոքսի աճյունափոշուն խառնած շաղ տան Թաիթիում և Մահվան հովտում: |
Abone ol ve malalelerin yayınla: